Human makoronahan nga Miss Universe Philippines 2024, si Chelsea Manalo sa Bulacan mihimo kini og kasaysayan isip labing unang Black Pinay nga morepresentar sa Pilipinas sa Miss Universe stage sa Mexico karong tuiga.
Apan kinsa si Chelsea Manalo sa wala pa ang iyang MUPH journey? Ilailahon nato siya.
Ang half-American ug half-Pinay nga si Manalo natawo sa Meycauayan, Bulacan niadtong Oktubre 14, 1999.
Ang iyang biyolohikal nga amahan usa ka American national samtang ang iyang inahan nga si Contessa Manalo adunay dugong Pilipino.
Sa linghod nga edad nga 14, si Chelsea nagsugod sa pagsulod sa kalibutan sa modeling samtang ang iyang karera sa kalibutan sa pageantry nagsugod sa dihang siya usa pa ka estudyante sa high school.
Ang iyang inspirasyon mao ang Ingles nga modelo nga si Naomi Campbell.
Misuway usab si Chelsea nga madala ang korona sa Miss World Philippines 2017 apan nasulod lamang siya sa Top 15.
Si Manalo nahimong manlalaban alang sa mga kampanya alang sa youth empowerment ug adbokasiya usab siya sa lumad nga mga Dumagat sa Norzagaray, Bulacan.
Samtang, ang makasaysayanong kadaugan ni Chelsea Manalo isip MUPH 2024 gitawag sa pipila ka publikasyon isip usa ka ‘dark horse win.’
Sa pagkakaron, nangandam na si Chelsea sa iyang sunod nga kompetisyon sa gipaabot nga Miss Universe 2024 nga ipahigayon sa Septiyembre!
