Nagpabiling sirado ang Louvre Museum sa Paris sa publiko human sa nahitabong pagpanulis.
Diin nakawat sa mga kawatan ang walo ka talagsaon ug mahalon nga mga alahas.
Basi sa imbestigasyon, mga alas 9:30 sa buntag ang mga suspek sa giabli sa museum.
Ang upat ka mga suspek migamit og sakyanan nga adunay mekanikal nga pag-alsa aron makasulod sa Galerie d’Apollon taliwala sa mga balkonahe duol sa Suba sa Seine.
Nakasulod ang duha sa mga suspek pinaagi sa pagguba sa bintana gamit ang mga gamit sa kuryente.
Ilang gihadlok ang mga guwardiya una pa gidugmok ang duha ka display nga adunay sulod nga alahas.
Nilanat og upat ka minuto ang pagpanulis ug ang mga suspek misibat sakay sa duha ka scooter.
Lakip sa mga butang nga gikawat mao ang usa ka emerald necklace ug usa ka parisan sa mga ariyos gikan kang Empress Marie Louise; usa ka brooch nga nailhan nga “reliquary brooch”; Tiara ug brooch nga iya ni Empress Eugene, asawa ni Napoleon III, ug usa ka tiara, kwintas ug single earing gikan sa sapphire set nga iya ni Queen Marie-Amelie ug Queen Hortense
