Mudoyug usab ang Muslim Community ug ang mga nagkalain-laing lider sa simbahan ug sibiko nag-awhag sa publiko nga magkahiusa batok sa korapsyon pinaagi sa usa ka koordinado nga kalihokan sa pag-ampo, martsa, ug programa sa Fuente Osmeña Circle.
Gilauman ang kalihokan nga gitawag og Sugboanong Pakigbisog Kontra Korapsyon (SuPaKK), nga makadani og labing menos 5,000 ka mga partisipante.
Matud ni Msgr. Rey Peñagunda, Vicar General sa Archdiocese sa Cebu, nga ang mobilisasyon magsugod sa usa ka Santos nga Misa sa alas 2:30 sa hapon sa Sto. Niño Pilgrim Center.
Human sa Misa, ang mga partisipante magmartsa sa alas 3:45 sa hapon padulong sa Fuente Osmeña Circle.
Dugang usab niini nga ang programa sa alas 4:45 sa hapon sa Fuente Osmeña Circle maglakip sa mga pag-ampo, mga presentasyon sa kultura, ug ang pagbasa sa usa ka hiniusa nga deklarasyon sa mga grupo nga miyembro sa koalisyon.
Dugang niya nga ang mga lider sa grupo gikan sa nagkalain-laing sektor, lakip ang mga biktima sa bagyo ug linog, mohatag sa ilang mga mensahe.
Gibutyag usab ni Imam Muhammad Najeeb Rasul, ang pangulo sa Council of leaders Visayas Region, nga obligasyon sa mga kadagkoan sa nagkalain-laing religious sector ang pag-edukar sa publiko og pagsegunda sa hisgotanan sa halapad nga korapsyon sa nasud.
Gumikan kay makaapekto kini sa intero nasud.
