Nipasalig ang Barangay Captain sa Brgy. Kinasang-an, Pardo sa Dakbayan sa Sugbo nga dili ra angay maguol ang mga nasunogan sulod sa Muslim compound sa Sitio Paradise 3 sa nahisgutang Barangay, gumikan mamahimo ra gihapon sila makatukod pagbalik sa ilang mga panimalay.
Mao kini ang gipaambit ni Barangay Captain Susan Enriquez nga pinaagi sa tabang sa DSWD diin maoy mohatag og mga materyales alang sa pagtukod og bag-ong kapuy-an sa mga biktima sa sunog.
Nidugang usab ang Kapitana nga sa pagkakaron, anaa usa mamahimong mo-istar ang mga nasunugan sa usa ka gym sa Sitio sa susamang Barangay.
Ang maong sunog nikaon sa 650sqm nga luna, adunay gibanabanang kantidad nga kadaot nga PHP975,000, ug duha ka mga na na-angol. Apan, walay natala nga nakabsan og kinabuhi atol sa maong sunog.
