CEBU – Naluwas ang 23 ka mga crew members sa MV Lite Ferry 1 human kini nga misadsad sa kadagatan samtang palayo sa pantalan sa Jagna, probinsiya sa Bohol.
Gibutyag ni Coast Guard Ensign Jordz Emata, ang public information officer sa Coast Guard District Central Visayas, nga dali rang natabang ang mga crew members gikan sa maong misadsad nga barko.
Matud pa, naka-angkorahi ang maong barko, apan gipa-palayo kini gumikan kay posibling makadaut sa pantalan human kini maghapak-hapak mugna sa dagkong balud.
Sigon ni Emata nga sa dihang gipalayo ang maong barko nagka-anam kini ug kasangad hinungdan nga daling giluwas ang mga sakay niini.
Gitino niini nga wala may pasahero ang maong barko niadtong higayona.
Samtang, gibutyag ni Lucio Lim, Jr., ang President/CEO sa Lite Shipping Corporation, nga pa-imbestigaran sa gihapon nila ang maong insidente.
