Nihangyo ang asawa ni kanhi Presidential spokesperson Harry Roque nga si Mylah Roque sa Korte Suprema nga mangilabot sa contempt and arrest order sa House Quad Committee batok kaniya.
Gitawag kini ni Mrs. Roque nga “despotic and whimsical display of power”.
Niadtong Miyerkules, dihang ang kampo ni Mrs. Roque nisang-at og petition for certiorari and prohibition sa Korte Suprema.
Kung kahinumduman nga gipatawag sa Quad Comm ang magtiayong Roque sa imbestigasyon niini sa ilegal nga operasyon sa Philippine Offshore Gaming Operators (POGOs) diin gipasanginlan ang kanhi Presidential spokesperson nga konektado niini.
Una nang gikataho nga ang magtiayong Roque anaa sa gawas sa nasud diin gituohang anaa sa Singapore si Mylah Roque alang sa pagpatambal samtang katapusang gikataho nga ang nahimutangan ni Atty. Roque kay anaa sa Abu Dhabi.
