Ipaubos sa seminar ug taining ang mga nagkadaiyang Departmento sa Mandaue City Hall, kini aron sulbaron ang problema sa kalangay sa suholan sa mga empleyado.
Gipahimangnoan usab ang mga nagkadaiyang departamento sa pag-preparar sa mga payroll niini ubos sa ilang hurisdiksyon.
Matud pa ni Atty. Sally Malig-on, ang City admnistrator sa Mandaue City Hall, kinahanglan nga e-train ug ipaubos sa seminar ang ilahang mga tawo, hilabi na nga ug adunay pipila ka mga sayup sa payroll nga mo sangput sa pagkalangan sa suholan.
Dugang usab niini nga miangkon usab ang Accounting Department nga sila ang sentro sa maong problemaha hinungdan kay ug adunay sayup sa payroll kaniadto nga daghang pangalan, ila kining ibalik sa nagkadaiyang departamento nga gi-ingung maoy makalangan.
Apan, nasabutan na usab sa opisina nga ug kung adunay mga pangalan nga sayup sa payroll dili na kini ibalik, inay tang-tangun nalang ang maong pangalan ug himoun nalang kining voucher ug dili ra kini maapektohan.
Nangayu usab ug pasensiya si Malig-on, kay kasamtangan pang anaa sa transition ang administrasyon hinungdan nga posible usab nga adunay usbon usab ang mga asignatores.
Apan gihimug-atan niini nga mas pas-pas ang operasyon karon sukwahi sa nakalabayng administrasyon. | Bombo Nathaniel Sandoval
