CEBU CITY-Gibutyag ni Dr. Rene Josef Bullecer nga ang Nobyembre 1 ug 2 mao ang adlaw gyud alang sa mga kalag.
Gihimo sa simbahan nga All Saints Day ang Nobyembre 1 gumikan kay matud pa alang kini sa mga nalangit na. Samtang ang Nobyembre 2– All Souls Day, alang kini sa mga kalag nga wala pa malangit o kinahanglang i-ampo pa.
Matod ni Bullecer nga ang mga kalag nga anaa pa sa purgatoryo nagkinahanglan pa sa atong pangamuyo. Giklaro usab niini, nga dili kalag ang tawag sa mga nagparamdam inay mga dautang espirito kini.
Gihimug-atan ni Bullecer nga ang realidad sa kamatuoran mao nga, ug ang tao magbinuotan, aduna gyu’y langit apan ug dili, aduna usab impyerno.
Mensahe ni Bullecer sa katawhan nga managkot karong adlawa Katoliko man o dili, nga mohalad usab og buwak ug ingon kandila alang sa mga minahal nga nitaliwan na. (Lahvi Quiñones)
