Sikop ang nagpaila nga igsuon sa usa ka opisyal sa Philippine Drug Enforcement Agency 7 gipahigayong buybust operation sa hinusang pwersa sa Drug Enforcement Unit, City Intelligence Branch ug Cebu City Police Office sa Sitio Bliss Brgy Labangon, Dakbayan sa Sugbo.
Ang mga dinakpan mao sila si Ihrkie Rallos 42 anyos residente sa Salvador St. Brgy Labangon , John Kenneth Prajes, 24 anyos residente sa Sito Bless Brgy Labangon, Josua Palatulon 19 anyos ug Virgilio Dumagsa Jr 64 anyos pulos residente sa Sitio Bliss sa nahisgutang barangay.
Nakuha gikan sa mga dinakpan ang nakuhaan ug .48 gramos sa shabu nga dunay DDB value nga mukabat sa 5, 664 pesos.
Matud ni Police chief Inspector Christopher Navida, ang hepe sa CIB nga dugay na silang nakadawat ug impormasyon kabahin sa mga tawong mugamit sa pangalan sa PNP ug PDEA nga nalambigit sa iligal nga drogas.
Matud pa nga naabot na usab sa buhatan sa Counter intelligence taskforce ang maong modus.
Matud pa ni Navida nga gigamit sa mga drug personalities ang ngalan sa mga PNP personnel ug PDEA aron nga magsilbing proteksyon sa ilang iligal nga kalihukan.
Usa sa mga dinakpan nga si Irkhe Rallos mitug-an nga isguon niini ang tigpamaba sa PDEA 7 nga si Earl Rallos.
Matud pa nga dugay na siya nga gibadlong sa iyahang igsuon apan wala lang gihapon kini nagpatuo.
Gihimakak usab niini nga mamaligya siya sa iligal nga drugas apan miangkon kini nga usa siya ka tiggamitan niini.
Kasong kalapasan sa RA 9165 ang kasong atubangon sa mga dinakpan.
