Niabot na sa 88 milyones ang gidaghanon sa mga Pilipino nga nagparehistro ubos sa Philippine Identification System (PhilSys) ID o national ID.
Una nang gitakda sa gobyerno ang gidaghanon nga 92 milyones nga magparehistro ubos sa national ID.
Matod pa ni Deputy National Statistician Fred Sollesta, kini nga gidaghanon maabot sa dili madugay pinaagi sa padayon nga pagduol sa ilang pagserbisyo sa publiko.
Gikan sa dul-an 88 milyones, gikataho nga moabot na sa 51.5 milyones ka mga physical cards ang nahatag o napadala sa mga tag-iya samtang tulo ka milyon ang kasamtangang on-route ngadto sa mga tag-iya.
Sa pagkakaron adunay 25 ka digital versions o IDs nga mahimong i-print sa mga registration center sa ahensya.
Gikonsiderar ang national ID nga labing epektibong giya sa pagkatawo sa mga Pilipino.
