Nakit-an na sa mga awtoridad ang nahabiling 4 sa 6 ka mga langyaw nga gikatahong na-missing sa halapad nga kalasangan sa Negros Oriental kagahapon sa hapon sa adlaw nga Sabado, Marso 22, 2025.
Kahinumduman nga nag-trekking ang maong mga langyaw sa Mount Talinis sa Valencia, Negros Oriental niadtong Miyerkules, Marso 19 diin ang unang 2 kanila kay na-rescue niadto pang Biyernes sa hapon, Marso 21.
Ang maong upat ka mga hikers kay nakit-an ug na-rescue sa Sitio Kanguntol sa Barangay Silab lungsod sa Amlan sa Negros Oriental.
Sa pagsubay, sa pag-trekking sa 6 ka langyaw niadtong Miyerkules kay nasaag kini tungod walay kauban nga local guide sa halapad nga kalasangan.
Uwahi kini silang nakit-an sa wala pa ma-missing didto sa Sitio Lunas, Barangay Malabo, sa lungsod sa Valencia.
Human sa malampusong pagkakita, daling gidala kini sa Negros Oriental Provincial Hospital.
Ang malampusong operasyon sa search-and-rescue kay kolaborasyon sa mga sakop sa Valencia Municipal Police, Negros Oriental Provincial Police, PH Army, Bureau of Fire Protection, Local Disaster Risk Reduction and Management Office, ug sa Oriental Negros Wilderness First Responders.
