Nakatala sa pinakataas nga trapiko sa pasahero sa kasaysayan ang Ninoy Aquino International Airport (NAIA) diin 4.96-milyones nga mga byahedor ang milabay sa airport niadtong Enero 2026.
Kini milabaw sa miaging rekord nga 4.86-milyones nga mga pasahero niadtong Disyembre 2025.
Sumala sa management sa airport, kini tungod sa kusog nga panahon sa pagbiyahe sa holiday season nga adunay hapit 2.6-milyones nga mga pasahero nga nagbiyahe gikan sa Disyembre 20, 2025 hangtod Enero 4, 2026.
Ang Enero 4 mao ang pinakabusy nga adlaw a airport nga adunay kapin sa 180,000 ka mga pasahero.
Sa laing bahin, 2.42-milyones nga mga internasyonal nga pasahero ang natala sa Enero 2026, usa ka 8.16% nga pagtaas kon itandi sa parehas nga panahon sa miaging tuig.
Samtang, ang NAIA nagtaho usab nga ang trapiko sa domestic passengers niini nakatala og 2.54-milyones nga mga pasahero, usa ka pagtaas nga 3.16% year-on-year.
