CEBU CITY-Andam nga atubangon sa usa ka 34-anyos nga lalaki ang kaso nga ipasaka batok kaniya human siya gipasanginlan nga nipatay sa uyab sa iyang asawa.
Ang brutal nga krimen nahitabo sa Brgy. Lorega San Miguel, dakbayan sa Sugbo niadtong Dominggo, Pebrero 4, 2024.
Sa pakighinabi sa Bombo Radyo Newsteam sa suspek, gibutyag niini nga tungod sa selos, iyahang gidunggab dili lang ang iyang asawa kon dili lakip na ang 30-anyos nga uyab niini.
Gitino niini, nga sa adlaw nga biyernes, Pebrero 2, siya pa ang nipatung sa iyahang asawa ug nakurat nalang kini nga pagka dominggo, Pebrero 4, lahi na ang nipatung.
Dugang pa niini, nga dili kini ang unang higayun nga nasakpan niya ang iyang asawa nga naay laing lalaki, ug kapila na niya kini masakpan sulod sa 16 katuig nila nga kamenyoon.
Gihimug-atan niini, nga dili na siya makigbalik sa iyahang asawa, kung ugaling man makagawas siya sa bilanggoan.
Gitin-awan usab ni PLt.Col. Janette Rafter, ang Deputy City Director for Operations sa CCPO nga mahimong depensahan ang krimen sa suspek ilabi na nga minyo pa kini ug ang iyang asawa, apan nagpadayon pa ang proseso diin pasakaan kini og kasong murder ug depende na kini sa korte. kung dawaton ba.maoy depensa niini.
