Nipasalig ang Court Of Appeals gikan sa Committee on family Courts and Juvenile Concerns (CFCJS) ngadtu sa mga kabatan-onan nga mga menor de edad, nga adunay mga kaso nga gi-atubang sa balaod o Children Conflict Of Law, nga hatagan kini sila og limpyo nga record kung ugaling manarbaho ug magsugud sila sa hapsay nga panginabuhian.
Lakip na niini ang pagkuha nila sa NBI, Police Clearance, ug uban pa nga mga dokumento nga importanteng gamiton sa pagpang-apply og trabaho.
Mao kini ang lakang nga gihimug-atan ni Associate Justice Atty. Geraldine C. Fiel Macaraig, sa Court of appeals, ug ang Vice Chairperson sa Committee on Family Courts and Juvenile Concerns (CFCJS).
Tataw niya, ang privacy sa usa ka indibidwal, ilabi na ang mga menor de edad, mo silyo ang Court of Appeals sa mga records niini, human sa terminasyon sa gipang-atubang nga kaso, subay sa Repulic Act 9394.
Subay sa kabahin sa pamahayag ni Atty. Fiel, gipaniguro sa maong ahensya sa gobyerno nga hapsay ang maong proseso ilabi na sa mga batan-on nga nalambigit sa Children Conflict Of Law.
Busa, pipila usab ka mga indibidwal nga nakasksi sa maong pamulong, nalipay sa maong maayong balita. | Bombo Irene Ardiente
