Namatay nga sundalo sa US gumikan sa pag-ataki sa Iran mikabat na og pito

Nisaka ang gidaghanon sa mga sundalong Amerikano nga namatay human sa pag-atake sa Iran sa Saudi Arabia.

Gikumpirma sa US Central Command nga ang ikapitong sundalo namatay human dili na makaya ang mga samad nga iyang naangkon sa maong pag-atake niadtong Marso 1.

Nagpabilin siya sa ospital sulod sa usa ka semana sa wala pa siya namatay.

Sa sayo pa nga report, unom ka sundalong Amerikano ang namatay sa pag-atake sa Iran sa Kuwait.

Sumala ni US President Donald Trump, posible pang mosaka ang gidaghanon sa mga sundalong namatay tungod sa maong mga pag-atake.

Gikonsiderar usab sa presidente sa Estados Unidos ang posibilidad sa pagpadala og dugang tropa ngadto sa Iran aron hingpit nga mapugngan ang ilang mga pag-atake.