CEBTRAL VISAYAS-Gipahibalo ni Atty Risty Sibay, ang OIC Regional Director sa NAPOLCOM-7, nga napatawag na nila ang opisyal nga nakita sa vedio sa mañanita alang sa adlaw nga natawhan ni Congressman Arnolfo ‘Arnie’ Teves, Jr. ug ilaha nang nasuta kung unsa gyud ang mga panghitabo sa maong kalihukan.
Gani, giklaro ni Atty. Sibay, nga basi sa ilahang imbistigayon ilang na diskubrihan nga nagpahigayun gyud ug mañanita ang kapulisan sa Negros Oriental sa bisan kinsa paman ang politiko nga molingkod ug dili lamang si Negros Orriental Rep. Teves.
Hinungdan nga nakurat usab sila nga nganung ang pag mañanita lang Negros Orriental Rep. Teves ang na higlight.
Gitino ni Atty. Sibay, nga ang opisyal nga naa sa mañanita mao si Police Col. Germano Mallari kinsa pipila na ka buwan nga wala na sa Negros Oriental ug kini nga kalihukan nasunod lamang usab sa opisyal sa mga nag-una kaniya.
Gihimug-atan niini nga tinguha sa Napolcom nga ilahang gibuhat ang tukmang imbistigasyon arun ang tanang kapulisan sa PRO7 walay bias, walay political affiliation ug uban pa arun nga magpabilin nga neutral sa mga mata sa publiko.
