Gipahibalo sa National Police Commission (NAPOLCOM) nga gikatakdang moluwat og resolusyon nga mag-aprobar sa pagtudlo kang Lt. Gen. Jose Melencio Nartatez Jr. isip Acting Chief sa Philippine National Police (PNP).
Matud ni NAPOLCOM Vice Chairperson ug Executive Officer Rafael Vicente Calinisan, mahinungdanon kini nga resolusyon aron mahatagan og hingpit nga awtoridad si Nartatez sa pagpangu sa PNP.
Gipasabot ni Calinisan nga limitado ang gahom sa usa ka officer-in-charge (OIC), apan isip acting chief, si Nartatez adunay bug-os nga discretion ug control sa mga desisyon ug operasyon sa National Police, ingon man nga ang NAPOLCOM adunay pagsalig sa liderato ni Nartatez ug dili manghilabot sa operasyon sa PNP.
Nasayran nga nagpabilin gihapon sa iyang four-star rank si kanhi PNP Chief Gen. Nicolas Torre III tungod kay aktibo gihapon kini sa serbisyo bisan og gitangtang siya ni Presidente Ferdinand Marcos Jr.
Una na usab nga gipasalig ni Nartatez nga iyang ipatuman ang mga resolusyon sa NAPOLCOM, lakip na ang pagpabalik sa pipila ka mga dagkong opisyal nga apektado sa pagtaktak sa gimando ni Torre.
