Nash Aguas ug Mika dela Cruz, gibutyag nga nagbuwag sa wala pa ang kasal

Gibutyag sa bag-ong magtiayon nga sila si Nash Aguas ug Mika dela Cruz nga nagbuwag kini sa wala pa ang ilang kasal.

Diin ang maong panagbuwag milungtad og dul-an sa unom ka buwan tungod sa wala pagkasinabtanay sulod sa unom ka tuig nga manag-uyab.

Nagsugod nga mitumaw ang wala na pagkasinabtanay sa duha niadtong pandemya diin si Mika ang nihagit kang Nash nga makigbuwag apan, wala niya damha makigbuwag kini sa iyaha.

Dugang pa sa duha nga wala nila kini gipahibalo sa ilang pamilya ug mas gipili nga sa hilom nila kini giproseso hinungdan nga wala kini migawas sa publiko.

Bisan ang maguwang nga igsuon ni Mika nga si Angelika dela Cruz, wala niya gipakita nga naghilak kini ug nagpa-as if nga okay ra ang tanan.