CEBU– Pasakaan og kasong kalapasan sa anti human trafficking in person ang usa ka inahan human nga gihimo niini nga instrumento ang 4 anyos nga anak sa sexual activity para makakwarta lakip na ang 15 anyos nga igsoon niini.
Una niini, nasikop ang suspect nga si alyas Leonor, 25 anyos pinaagi sa usa ka entrapment sa may lungsod sa Minglanilla.
Matud ni PSSupt Romeo Perego, ang hepe sa Women and chidren protection Center nga dugay na nilang gisurveillance ang suspect.//NAsuta nga mga langyaw ang customer niini ug padad-an og hubo nga mga hulagway sa iyang 4 anyos nga anak ug 15 anyos nga igsoon.
Gani sa entrapment ang suspek matud pa ang mitanyag nga pahimoon og law-ay nga buhat ang iyang anak pinaagi sa usa ka livestream sa internet kung diin nasuta pa nga 5,000 pesos ang bayad niini matag “show”.
Tanggong karon ang inahan sa prisohan samtang nasa kustodiya na karon sa DSWD ang mga minors ug gipaubos na sa psyhcological intervention.
Mensahe ni Perego sa mga padayon nga naghimo sa ingon nga muundang na sanglit ang kaso nga ipahamtang kanila walay bail ug matanggog kini sa prisohan sa tibook niyang kinabuhi.
