MANDAUE CITY- Nakatala ang dakbayan sa Mandaue og gamay nga pagsaka sa ihap sa mga teenage pregnancies sa pangidaron nga 13-anyos paubos matod pa sa City Health Office, niadtong Miyerkules, Nobyembre 13, 2024.
Sa pamahayag ni Dr. Debra Catulong., ang pangu sa Mandaue Cty Health Office sa kagamhanang dakbayan sa Mandaue, nga ang adolescent birth rate (ABR) kay miabot sa 36 gawas pa sa 1,000 ka mga live births sa ikatulong quarter sa kasamtangan nga tuig.
Labaw kini sa duha ka puntos diin adunay 34 gawas sa 1,000 ka mga live births nga natala sa nakalabay nga tuig 2023.
Ang ABR kay usa ka standard measurement sa pag-assess sa pagkaylap sa mga pagpanganak sa mga menor-de-edad sulod sa usa ka piho sa populasyon.
Dugang pa sa opisyal nga sa 2024, adunay 109,352 ka mga babaye nga reproductive age sa lungsod, nga adunay 21,874 nga nag-edad 15 hangtod 19 ka tuig.
Wala gitino ni Catulong ang gidaghanon sa mga pagmabdos nga naglambigit sa mga 13-anyos o naghatag og detalyado nga mga numero alang sa mga pagmabdos sa mga menor-de-edad sa tuig 2023 ug 2024.
Gitino niini nga usa sa mga hinungdan mao nga pagkamausisaon sa mga kabatan-onan bahin sa pakighilawas ug kakulang sa access sa komprehensibo nga sexual education.
Aron matubag ang nagkataas nga teenage pregnancy rate, ang Mandaue City bag-o lang miapil sa The Challenge Initiative (TCI), usa ka global nga programa nga gipaluyohan sa Bill and Melinda Gates Foundation nga nagsuporta sa mga siyudad sa pagsulbad sa mga isyu sa reproductive health, uban ang pagpasiugda sa family planning ug adolescent sexual and reproductive health.
Sumala ni Catulong nga ang TCI naghatag sa Mandaue City Government og technical support, capacity-building efforts ug dugang resources sa pagdumala sa isyu.
Isip kabahin niini nga kolaborasyon, ang Mandaue City nagtukod ug City Leadership Team aron sa pagdumala sa family planning ug adolescent reproductive health initiatives, uban sa giya gikan sa TCI.
Gihatagan og gibug-aton ni Catulong nga ang lig-on nga mga inisyatibo sa edukasyon makatabang sa pagpamenos, kung dili man sa pagpugong, sa wala tuyoa nga pagmabdos sa mga kabatan-onan.
