Nipahimangno ang National Historical Commission of the Philippines (NHCP) ngadto sa pipila ka mga politico sa paggamit sa nasudnong watawat isip kabahin sa ilang campaign materials.
Matod sa NHCP, angay natong hatagan og respeto ug pasalamat ang atong watawat kay simbolo kini sa atong pagka-Pilipino.
Dugang pagpahinumdom nga ang panumpa sa matag Pilipino kinahanglan nga tinud-anay ngadto sa watawat.
Basi sa Republic Act No. 8491 o nailhan usab nga Flag and Heraldic Code of the Philippines, ang bisan unsa nga nagsimbolo sa atong pagkalungsoranon angayan nga ilhon, pasalamatan, ug hatagan og angay nga respeto.
Ug ang bisan kinsa nga tinuyo nga molapas niini nga mga panudlo mapahamtangan og angay nga silot.
Ang maong balaod nagsugod sa pagpatuman niadtong Pebrero 12, 1998.
