Nagpadayon karon ang National Nutrition Council Region Office-7 sa ilahang pagmonitor sa mga kabatan-onan ug mga bata nga adunay pangidaron nga 10 anyos paubos.
Sa nabutyag nga pangidaron, nagsubay kini sa mga apektado sa mga nilabayng tuig nga kalamidad sama sa linog ug bagyo.
Diin, bisan paman nga bag-o lang nasugdan ang tuig 2026, padayon gihapon kini gihatagan og pagtagad sa National Nutrition Council, ilabi na kadtong nagpabilin gihapon sa mga evacuation areas.
Subay niini, gikabutyag ni Parolita A. Mission, ang Regional Nutrition Program Coordinator National Nutrition Council-7 nga aduna na silay suplay sama sa dietary supplements, mga tambal nga makatag og maayong benipisyo sa mga kabatan-onan.
Gani ang pagpang apod-apod niini, nasugdan niadtong Disyembre 18, 2025 hangtud sa kasamtangan.
