CENTRAL VISAYAS- Gikatakdang mangulo sa umaabot nga buwan sa Hulyo ang National Nutrition -Council Central Visayas (NNC-7) sa pagsaulog sa ika-51 katuigan sa Nutrition Month nga adunay temang “Sa PPAN: Sama-sama sa Nutrisyong Sapat Para sa Lahat” ug ang sub-theme nga “Food at Nutrition Security, Maging Priority! Sapat na Pagkain, Karapatan Natin!”
Pinaagi sa usa ka press conference, si Dr. Parolita “Letlet” Mission, ang Regional Nutrition Program Coordinator sa NNC-7 kay namulong sa tumong sa maong selebrasyon sa pagdani sa nagkadaiyang mga sektor sa katilingban nga adunay access sa luwas, masustansiya, ug baratong pagkaon sa matag Pilpino.
Tataw niini nga hingpit nila kining makab-ot karong tuiga inubanan sa pakig-alayon sa mga pribadong sektor, Non-Government Organizations ug sa kinatibuk-ang publiko sa pagpataas sa kahibalo sa importansya food and nutrition security.
Dugang pa niini nga ang kamahinungdanon sa maong kampanya sa pagtinugha sa mobilisasyon sa multi0sectoral support sa pagpa-implementar sa Philippine Plan of Action for Nutrition (PPAN) nga naglatid sa kinatibuk-ang plano sa nasod sa pagsulbad niini sa problema sa malnutrisyon.
Ang tinuig nga selebrasyon sa Nutrition Month kay magtimaan na sa ika-51 nga katuigan sa pagpahimangno sa plataporma nga nag-promote sa maayo ug kapiskay nga panglawas pinaagi sa proper nutrition advocacy.
