LILOAN, CEBU-Nagtingkagol sa Liloan Temporary Detention Cell ang usa ka babaye nga adunay pending nga Warrant of Arrest sa kalapasan sa Batas Pambansa Blg. 22 sa lima ka higayon human kini milukat og National Police Clearance.
Ang akusado nga gihinganlang ida, walay kahadlok nga midangop sa buhatan arun sa pagkuha og Police Clearance apan, sa dihang pag-verify niini nasayran nga adunay giatubang nga kaso ang maong indibidwal.
Gani, mao kini ang hinungdan sa iyang pagkasikop sa Liloan Cebu.
Nasayran nga ang warrant of arrest ni Ida, giluwat ni Hon. Jorge Emmanuel Manglabus Lorredo, Presiding Judge sa Metropolitan Trial Court sa National Capital Region, Branch 26, Manila niadtong Setyembre 15, 2023 nga adunay pyansa alang sa iyang temporaryong kagawasan nga P30,000.
