CENTRAL VISAYAS- Adunay nakalatid nga standard operating procedure ang National Police Commission (NAPOLCOM) nga mga palisiya kung ugaling man ang Pulis officer magpahigayun ug anti-illigal drugs operation.
Sa interview sa Bombo Radyo kang NAPOLCOM 7 Regional Director Atty. Resty Sibay, gitino niini nga kinahanglang sundon sa kapulisan ang guidelines nga gilatid sa buhatan, ug kung ugaling dili masunod sa kapulisan ang ‘Guidelines’ mamahimo silang masilutan ug ‘imposition of the highest penalty’ o pagtangtang sa serbisyo.
Matod ni Atty. sibay nga samang higayon, kinahanglang e-relieve ang Pulis officer sa buhatan,arun sa ingun mahatagan ug dalan ang imbistigasyon nga pagabuhaton.
Kini subay sa pagbutyag ni DILG Secretary Benjamin Abalos Jr sa mga tag-as nga opisyal sa PNP nga adunay kalambigitan sa 990 kilos nga shabu raid nga nagkantidad ug P6.7 billion niadtong Oktubre sa nakalabay nga tuig kung diin nasikop sa mga otoridad si Police Master Sergeant Rodolfo Mayo Jr. nga usa usab ka miyembro sa PNP-drug enforcement group.
