CEBU CITY – Nagpasalamat ang Private Schools Athletic Association (PRISAA) national President nga si Rev. Fr. Vicente L. Uy, SVD sa gobyerno sa probinysa sa Bohol sa pag-atiman sa tanang mag delegado nga musalmot sa event karong tuiga.
Gikalipay ni Uy nga all out ang support nga nadawat nila diin tanang nilang kinahanglanon gi-atiman gyud. Labaw sa tanan ang ilang nasinati nga kaluwas sa lugar diin iyang gihulagway nga 95% safe sila.
Gitataw usab ni Uy nga dili basta-batsa nga makasuroy-suroy lang ang mga athletes nga sila lang, aduna gyud kini mga eskort ug aduna usab sila mga rules sa ilang mga billeting areas.
Aduna lang matud pa gamay nga problema diin nagkuwang sila sa billeting areas sanglit nagbasi raman sila sa record sa mi-aging event apan nasuta nga mas doble ang ihap sa mga delagates karon. Apan dali raman hinoon matud pa kini napangitaan og paagi.
Nangpinaot usab si UY nga malangkat na usab sa Region VII ang kampyonato kung diin mao kini ang ikatulo nga higayon nga mudaog ang Central Visayas.
Hangyo lang ni Uy sa mga transportation services sa Bohol nga dili lang patas-an ang sukot sa plite ug dili lang pahimuslan ang pagpahigayon sa PRISAA.
