Padayon nga giawhag sa National Weather Service ang mga tawo sa apektadong lugar nga gipaubos sa Tsunami warnings human sa 8.8 magnitude nga linog nga miigo sa Russia.
Kini bisan paman nga nag-anam-anam na og kakunhod ug posibleng sa sunod adlaw kay tangtangon na ang mga alerts.
Apan, gipahimangnoan gihapon ni meteorologist Matthew Kidwell nga magbinantayon hilabi na nga ilang gilauman nga aduna pay mga mosunod nga paglihok sa tubig sa kadagatan.
Gitambagan usab ang mga lumulupyo sa apektadong lugar particular na ang anaa duol sa mga baybayon nga magpalayo una ug doblehon pa ang kahibalo ug pag-amping.
Basi sa taho, walay natala nga namatay apan adunay mga nakaangkon og samad, ingon man nga wala pay dakong kadaot nga gi-report ning kasamtangan.
