Gipahigayon ang Nationwide Simultaneous Earthquake Drill (NSED) pinaagi sa Office of Civil Defense (OCD) sa tibuok nasod, alas 3:30 sa hapon karong adlawa, Marso 12, 2026.
Gitino ni Junie Castillo, spokesperson sang OCD sa interbyu sa Bombo Radyo, nga tumong sa aktibidad nga maanad ang publiko sa husto nga buhaton panahon sa linog, partikular na ang “duck, cover, and hold.”
Ning higayuna, gipasiugda usab ang importansya sa continuity plans alang sa mga pamilya, negosyo, ug opisina aron masiguro ang pagpadayon sa mga operasyon human sa kalamidad.
Ang ceremonial pressing of the button gihimo sa Quezon City, samtang ang regional ceremony sa Aklan isip host province.
Misalmot sa hiniusang pagbansay ang mga lokal nga kagamhanan, eskwelahan, pribadong sektor, ug nagkalain-laing ahensya sa gobyerno.
Gipaabot nga ang maong drill makatabang sa matag Filipino nga mas makapangandam sa posibleng kalamidad, ilabi na nga ang Philippine Institute of Volcanology and Seismology (PHIVOLCS) bag-o lang nakatala og daghang kusog nga linog sa Luzon, Visayas ug Mindanao sa miaging tuig.
Ang hiniusang ehersisyo karong adlawa nagsilbi nga pahinumdom nga ang pagpangandam ug koordinasyon sa matag sektor maoy yawe sa pagpakunhod sa kadaot ug pagluwas sa kinabuhi sa panahon sa katalagman.
