NATO, gikumpirmar ang presensya sa mga sundalo sa North Korea sa Russia

Gikumpirmar sa North Atlantic Treaty Organization o kon NATO nga ang North Korea nagpadala sa ilang mga sundalo sa Russia.

Matud pa ni NATO Secretary General Mark Rutte, nga iya lang kining gikompirmar human sa tigom nga iyang gihimo uban sa mga opisyal sa seguridad ug depensa sa South Korea.

Gidugang niini nga kining maong lakang sa North Korea kay nagpakita sa paggrabe sa tensyon sa nasangpit nga lugar.

Ingon man nga unang gipanghimakak ni Russian President Vladimir Putin ang taho nga ang North Korean nga mga sundalo gi-recruit sa Ukraine aron makig-away.