Napamatud-an nga ang mga nauli na ang Kapin sa 20,000 ka sinakong bugas sa duha ka mga Cebu Based Rice Importers nga nasakmit sa Anti- Agricultural Economic Sabotage Council, napamatud-ang dili smuggled.
Kini nunot sa gibalik ug gitangtang sa Court of Tax Appeals ang kapin sa 20,000 ka sakong bugas, gikan sa duha ka mga importer sa bugas humay nga nagbase sa Sugbo nga gibanabana nga mobalor og P40 milyones human sila nihatag og importation documents ug BIR permits.
Matod ni Atty. Jhonnelle Estrada Tan-Kit ug Atty. Jade Seit, Legal Council sa kompanya, napamatud-an nga legal nga gi-import ang mga nakompiska nga imported nga bugas ug gibayran ang saktong duties ug buhis ingon man ang pagpresentar sa importation documents.
Dugang pa, anaa sa 20,500 ka sakong bugas ang gitanggong karon sa National Food Authority Warehouse, diin gikatakdang ibalik karong adlawa sa duha ka kompanya, Rice Valley Distribution Inc. ( RVDI ) ug Mixed Load Distribution Network Inc (MLDNI).
Dugang pa ni Estrada nga sa wala pa ma-impound ang mga bugas, nisuway pa sila paghatag og mga dokumento apan wala kini gidawat sa mga otoridad, tungod kay gituohan nga adunay kalibog tungod sa giingong wala pagsinabtanay sa mga dokumento, nga giingong gisumiter sa Mixed Load Distribution Network Inc, ug dili sa Rice Valley Distribution Inc., igsuong mga kompaniya ug nasagol sa usa ka bodega.
Dungan sa pagbalik sa bugas, adunay gibana-banang 160 ka sako sa bugas nga dili na makaon tungod kay dili na humot ug nangadunot na.
Sa pikas bahin, nahinabi usab sa Bombo Radyo Cebu team si Darlito Licardo, Senior Agriculture Plan Quarantine Service Division sa DA, diin matod niya gipahibalo sila sa habig sa RVDI busa sa gipahigayon nga inspeksyon sa CIDG lakip sila nga nakasaksi o isip nga witness atol sa pag release.
Giklaro usab ni Licardo nga wala atol sa maong inspeksyon usa sila sa mga nag-verify sa mga dokumento apan giklaro niini nga wala sila labot sa dokumentong gipangita igo lang sila nga nagsilbing witness.
