Nangandam na ang mga sakop sa PH Navy – Naval Forces Central (NAVFORCEN) alang sa umaabot Semana Santa karong buwana.
Kini ang gipamahayag sa bag-ong milingkod nga Commader sa NAVFORCEN nga si Commodore Joselito De Guzman sa press conference niini sa Rafael Ramos Naval Base sa dakbayan sa Lapu-Lapu, Lunes, Abril 7, 2025.
Matod pa niini nga aduna na silang naka andam nga mga lakang kabahin sa seguridad ug kalinaw sa mga pantalan ug kadagatan sa panahon sa Semana Santa.
Gilauman nila ang dagsa sa mga turista ug mga pasahero ilabi na diri sa lalawigan sa Sugbo nga dagsaog tungod sa long weekend sa mga trabahante.
Samtang sa pikas bahin, laing gipangandaman sab nila ang umaabot nga piniliay sa Mayo 12, 2025 diin magpadala sila og mga personnel nga mutabang sa natad sa seguridad sa katawhan diin mando niini ang pagkanselar sa mga scheduled leave-on-duty sa ilang mga personahe.
