Andam na ang 1-time NBA champion nga si Jamal Murray nga mosulod sa bag-ong season.
Kahinumduman nga bag-o lang mipirma si Murray og upat ka tuig nga contract extension diin nagkantidad og $207,845,568.
Pipila ka semana sa dili pa magsugod ang bag-ong season, ang Denver guard niingon nga nakondisyon na ang iyang lawas ug hunahuna alang sa bag-ong season.
Bisan og nalimitahan siya sa makadaghang higayon nga makaduwa ning milabay nga season tungod sa injury, ang beteranong guard masaligon nga makaduwa siya og maayo sa sunod season uban sa padayon nga pagbansay-bansay.
Karong tuiga target sa team nga makadala pa og laing kampiyonato ug matod niya andam na ang tibuok team niini.
Karong season, si Murray makig-uban sa hari sa triple-double, Russel Westbrook, sa guard position human sa trade uban niya niadtong Hulyo.
Gidugang usab ni Murray, ang batikang guard motabang sa Nuggets nga makabalik sa championship contention, uban sa ubang mga magdudula sa team.
Nahimong kampiyon ang Nuggets niadtong 2023. Niining miaging season, walay suwerte ang team nga nakaabante sa Western Conference finals human gi-sweep sa Minnesota Timberwolves.
