Gipagibalo sa beteranong NBA guard nga si Chris Paul nga ang 2025-26 season mao ang iyang katapusang tuig sa NBA.
Sa wala pa ang ilang dula sa Charlotte, ang 12-time All-Star gikan sa North Carolina nag-upload og video online nga nagpakita sa mga highlight gikan sa iyang karera. Nagpakita kini sa mga gutlo gikan sa dihang siya gi-draft uban ang ikaupat nga overall pick sa 2005 NBA Draft.
Sulod sa iyang kapin duha ka dekada sa liga, si Paul nakakulit og ngalan alang sa iyang kaugalingon isip usa sa labing bantugan nga point guard sa kasaysayan. Ang iyang mga pasidungog naglakip sa: NBA Rookie of the Year (2006), Four-time All-NBA first-team, Five-time NBA Assist Champion, Six-time Steals Leader, Seven-time All-Defensive First Team, NBA All-Star Game MVP (2013).
Nakadaog usab si Paul og duha ka Olympic gold medals uban sa Team USA — una sa Beijing 2008 ug dayon sa London 2012. Samtang ikaduha siya sa kasaysayan sa NBA sa assists nga adunay 12,532, ikaduha usab siya sa steals nga adunay 2,727.
Niadtong 2021, giila pa siya isip kabahin sa NBA 75th Anniversary Team.
Nakaduwa si Paul alang sa pito ka lain-laing mga team sulod sa 20 ka NBA seasons lakip na ang New Orleans Pelicans, Los Angeles Clippers, Houston Rockets, Oklahoma City Thunder, Phoenix Suns, Golden State Warriors ug San Antonio Suns.
