Nahuman na sa National Basketball Association (NBA) ang pagpangandam sa duha ka court nga gamiton sa 2026 Finals.
Sa mga litrato nga gipagawas sa liga, gipakita ang disenyo sa hardcourt nga adunay Larry O’Brien Trophy, ang pinaka-gipangandoy nga championship trophy sa NBA.
Ang unang duwa tali sa New York Knicks ug San Antonio Spurs gikatakda sa Hunyo 4, 2026 (oras sa Pilipinas).
Ang Game 1 ug Game 2 ipahigayon sa Frost Bank Center, ang homecourt sa Spurs, samtang ang Game 3 ug Game 4 ipahigayon sa Madison Square Garden, ang homecourt sa Knicks.
Kini ang unang higayon sukad sa 1999 Finals nga ang duha ka team magkita pag-usab, diin gipildi sa Spurs ang New York sa lima ka duwa. Sa nahisgutang Finals, ang Knicks mihimo og kasaysayan isip unang No. 8 seed nga nakaabot sa championship series.
Karong tuiga, gipakita na usab sa Knicks ang ilang kaisog human gipildi ang Cleveland Cavaliers pinaagi sa pag-sweep sa Eastern Conference Finals.
Samtang, gipildi sa Spurs ang defending champion nga Oklahoma City Thunder sa usa ka kulbahinam nga Game 7 sa Western Conference Finals.
