Mitaliwan na ang Basketball Hall of Fame center nga si Bill Walton sa edad nga 71.
Matod ni NBA Commissioner Adam Silver, wala na niya makaya angiyahang sakitnga cancer.
Gidugang niini nga ang iyang malampuson nga pagsugod sa UCLA maoy nagtukmod kaniya nga mahimong NBA regular season ug Finals Most Valuable Player, duha ka NBA Championships ug ang iyang pag-ila atol sa 50th ug 75th Anniversary sa NBA.
Ang 6-foot-11 center nga si Walton nangulo sa UCLA Bruins ngadto sa national championships gikan sa 1972 ug 1973.
Siya ang number 1 overall pick sa Portland Trailblazers nga nanguna sa team sa championship sa 1977.
Gihatagan siya og NBA Finals Most Valuable Player ug NBA regular season MVP nianang tuiga.
Nakababag sa iyang karera ang iyahang mga pagkaangol ug mibiya siya sa Portland ug nagduwa sa San Diego/Los Angeles Clippers gikan 1979 hangtod 1985 diin naangol siya sa tiil ug tuhod.
Mibalhin siya sa Boston Celtics ug nabuhi ang iyang karera niadtong 1986 ug nadaog niya ang NBA Sixth Man of the Year award diin ilang gipildi ang Houston Rockets aron makuha ang kampiyonato.
Tuig 1993 nahimo siyang Naismith Memorial Basketball Hall of Fame.
Pagkahuman sa iyang karera sa basketball, nahimo siyang komentarista sa basketball.
Sa iyahang pagkamatay, nabiyaan niini ang iyang asawa nga si Lori ug upat ka anak nga lalaki nga nagdula og basketball sa kolehiyo.
Ang iyang anak nga si Luke Walton, nakadaog og duha ka titulo sa NBA sa Los Angeles Lakers, nga naghimo kanila nga unang amahan-ug-anak nga kombinasyon nga adunay daghang mga singsing sa NBA.
Mibundak ang pahasubo gikan sa nagkadaiyang NBA legends ug sports personalities human madunggan ang pagtaliwan ni Walton.
