Gisuspenso sa Memphis Grizzlies ang two-time All-Star guard nga si Ja Morant alang sa ilang umaabot nga duwa batok sa Toronto Raptors, tungod sa paghatag og negatibo nga mga komento bahin sa iyang team.
Nagsugod ang isyu human gipildi sa Los Angeles Lakers ang Memphis sa iskor nga 117-112, diin ang duwa ni Morant kay daw “tinanga” ug nakapuntos lang siya og 8 puntos hangtod sa pagtapos niini.
Atol sa dula mismo, namatikdan nga nagpalayo ang star player sa iyang team, diin nakita pa gani siya nga layo sa bench area sa iyang team.
Sa dihang gipangutana kung nganong dili maayo ang iyang dula, ang bugtong tubag ni Morant mao ang pagpangutana sa coaching staff.
Kini ang pinakabag-o nga mga disciplinary action nga nadawat ni Morant.
Kaniadto gisuspenso si Morant niadtong 2023 tungod sa pagkuha og video sa iyang kaugalingon nga nagkupot og pusil, diin siya gisuspenso og 33 ka dula ug gimultahan og labing menos $8.3 milyon.
