Gikatakdang ibaligya sa auction ang jersey ni NBA legend Julius “Dr. J” Erving.
Ang maong jersey maoy unang NBA road game jersey ni Erving uban sa Philadelphia 76ers.
Diin gilauman nga mabaligya kini sa kantidad nga $500,000.
Nasayran nga ang maong jersey kay gigamit sa ilang duwa batok sa Buffalo Braves sa Buffalo Memorial Auditorium sa New York niadtong Oktubre 23, 1976.
Sa maong duwa, napildi ang Sixers sa iskor nga 108-105.
Gigamit usab kini ni Erving sa daghang mga higayon sa duwa lakip ang Chrstmas Day game niadtong 1976.
Ang 6’7 ″ Hall of Famer nagduwa og 11 ka season sa Sixers diin iyang nadaog ang NBA title sa City of Brotherly Love niadtong 1983.
Daghang mga fans ang nagtuo nga malabwan niini ang unang gibaligya ni Erving 1971-1972 Virginia Squires ABA jersey nga gibaligya sa $522-K kapin sa duha ka dekada na ang milabay.
Magsugod ang subasta sa Grey Flannel Auctions karong umaabot nga Disyembre 1.
