Gikatakdang mobalik sa nasod karong buwana sa Septiyembre ang retiradong NBA star nga si Derrick Rose.
Matud pa niya nga ang mga Pinoy fans adunay dakong bahin sa iyang kasingkasing tungod sa ilang hilig sa basketball.
Unang nibisita si Rose sa nasod niadtong 2011 kauban sila si Kobe Bryant, Kevin Durant ug Chris Paul diin nagduwa pa sila og exhibition game.
Human sa duha ka tuig, nagpahigayon siya og duha ka adlaw nga 2013 Manila Tour.
Si Rose nagduwa sulod sa 15 ka tuig sa NBA diin pipila sa mga team nga iyang giapilan mao ang New York Knicks, Cleveland Cavaliers, Minnesota Timberwolves, Detroit Pistons ug Memphis Grizzlies.
Ang iyang pagbisita himuon pipila ka buwan sa dili pa iretiro sa Chicago Bulls ang iyang jersey number “1” karong umaabot nga Enero 2026.
