CEBU CITY– Nagpahigayon og Search Operation ang mga miyembro sa Regional Special Operations Group (RSOG-7),Criminal Investigation and Detection Group (CIDG),Regional Intelligence Division (R2),Security and Exhange Commission ug National Bureau of Investigation sa opisina sa Kapa Community Ministry International, Inc. sa Barangay Poblacion lungsod sa Compostela, Cebu.
Kini human nga nag-issue ang Manila Regional Trial Court og search warrant sa kalapasan niini sa Section 26 sa Securities Regulation Code of the Philippines.
Matud ni Police Captain Ian Macatangay ang hepe sa Compostela Police Station nga kwestyonable gyud ang operation sa KAPA tungod kay mangayo man kini og donasyon pero may 30% increase nga makuha. Butang nga kinahanglan nila nga imbestigaran tungod kay kung donasyon ang hisgutan, wala kini angayang returns.
Nasayran nga walay permit gikan sa Mayor ang KAPA ug wala usab lisensya ang ilang security fire arms.
Matud usab sa NBI-7 Special Investigator nga si Bienvenido Panikan nga gisuspenso usa sa KAPA ang ilang operation sa Compostela tungod kay wala pa kini nakitang lugar nga ilang kabalhinan human masunog ang ilang opisina.
Nakumpiskar sa search operation ang mga membership forms, bank documents, ledgers, journals ug uban pang mga dokumento.
Samtang subli nga mipanhimangno ang SEC sa publiko nga muapil sa samang investment scheme. Sigon ni Darwin Sotto ang Security Council nga huna-hunaon pagmaayo kung mag-invest ug dili usa magpadala sa saad nga dako ang makuha.
