Gidakop sa National Bureau of Investigation (NBI) ang kontraktor nga si Sarah Discaya tungod sa korapsyon ug pagpangawat sa pundo gikan sa P96.5-milyon flood control project sa Davao Occidental.
Gikuhaan siya og fingerprint ug gipailalom sa medical examination human giisyuhan sa NBI og warrant of arrest, ug dad-on kini sa NBI Jail facility sa Muntinlupa City.
Una nga boluntaryong miadto si Discaya sa NBI tungod kay gilauman niya ang pag-isyu sa warrant of arrest sa miaging semana apan mibiya usab siya niadtong Miyerkules ug niadtong Huwebes gi-isyu ang iyang warrant of arrest.
Gipasaka sa Office of the Ombudsman ang kaso sa Digos Regional Trial Court ug gibalhin kini ngadto sa Lapu-Lapu Regional Trial Court.
Samtang, gikumpirmar usab ni Presidente Marcos ang warrant of arrest batok sa mga nalambigit sa P96.5M nga ghost flood control anomaly sa Davao Occidental, lakip na si Sara Discaya ug uban pang mga empleyado sa DPWH.
