Naka-heightened alert ang National Capital Region Police Office (NCRPO) alang sa gilauman nga mga lihok protesta karong semanaha samtang ang Kongreso nagpadayon sa paghisgot sa mga anomaliya nga giatubang sa mga flood control projects sa nasud.
Matud ni NCRPO Spokesperson PMaj. Hazel Asilo nga upat pa ka mga programa ang ilang gibantayan nga gikatakdang ipahigayon sa pipila ka bahin sa Manila ug ingon man sa EDSA.
Nunot niini, gipasalig ni Asilo nga dili kalikayan ug pabiling andam ang ilang mga tropa sa NCRPO sa maong mga programa aron masiguro nga malinawon, luwas ug dili makabalda sa publiko ug trapiko ang mga protesta nga ipahigayon sa mga progresibong grupo sa umaabot nga mga adlaw.
Ingon man nga padayon ang NCRPO sa pagpatuman sa maximum tolerance bisan pa nga adunay mga grupo nga walay permit sa pagpahigayon sa ilang mga programa.
Kini isip pagrespeto usab sa katungod sa kapulisan sa pagpadayag sa ilang opinyon ug sa ilang gustong ipadayag.
Hatagan usab og usa ka oras ang mga raliyista sa paghuman sa ilang mga programa, ilabi na kung dili makaagi sa proseso sa paghangyo ang maong mga grupo.
