Gitambagan sa National Electrification Administration (NEA) ang mga electric cooperative (EC) nga bantayan ang epekto sa bagyong Gener sa mga power utilities sa nasud.
Nag-isyu ang NEA og pahibalo alang sa mga EC ug gitambagan sila nga i-aktibo ang ilang Emergency Response Organizations (ERO) ug maghimo og usa ka angay nga plano sa pagtubag sa emerhensya.
Gibantayan usab sa ahensya ang epekto ug hulga sa bagyo sa mga pasilidad sa pag-apod-apod sa kuryente nga mahimong makaapekto sa suplay sa kuryente sa mga konsumedor.
Gawas niini, gisiguro sa ahensya nga adunay igo nga mga ekipo ug buffer stocks nga magamit sa mga Emergency nga sitwasyon hangtod nga mabalik ang suplay sa kuryente.
Ingon man nga nihangyo ang NEA sa mga EC nga mosumiter sa ilang power situation report dungan sa nagsingabot nga pagguba sa bagyo nga ania na sa Pilipinas.
Pahinumdom sa NEA sa mga tagdumala sa kooperatiba, kinahanglan usab nga ibalik dayon ang suplay sa kuryente sa mga lugar nga wala maapektuhan sa bagyo apan naputol kaniadto aron mapanalipdan ang kaluwasan sa mga konsumidor.
Tungod sa pagkusokuso sa bagyong Enteng sa Pilipinas, moabot ngadto sa P4.23 milyones ang danyos sa power sector ug liboan ka konsumidor ang nawad-an og suplay sa kuryente.
