Gipatutokan sa National Electrification Administration (NEA) ang mga electric cooperative nga bantayan ang sektor sa kuryente nga epekto sa Bagyong Querubin nga miigo sa pipila ka mga lugar sa Mindanao ug Visayas.
Nipagawas og advisory ang NEA Disaster Risk Reduction and Management Department (DRRMD) alang sa tanang EC sa mga lugar nga naapektuhan sa bagyo diin gipahibalo niini ang mga kooperatiba nga mohimo dayon og tukmang tubag sa bisan unsang epekto sa bagyo sa power sector.
Apil na niini ang pagpaaktibo sa Emergency Response Organization (ERO) sa matag EC ug ang padayon nga pagmonitor sa sitwasyon sa ilang tagsa-tagsa ka mga lugar sa operasyon.
Gipaniguro usab sa NEA nga adunay igo nga materyal o buffer stock nga andam nga gamiton alang sa dinalian nga pagpahiuli sa kuryente.
Sa samang higayon, ang matag EC gihangyo nga mosumiter og report sa kadaot ug sitwasyon kalabot sa epekto sa bagyo sa mga pasilidad sa kuryente, transmission lines, ug uban pa.
