CEBU CITY-Nakawatan ang usa ka negosyante nga mobalor og P940,000 gikan sa iyahang sakyanan sa Barangay Kasambagan, dakbayan sa Sugbo niadtong Huwebes Santo, Abril 6, 2023.
Kini ang gibutyag ni Police Colonel Ireneo Dalogdog, ang City Director sa Cebu City Police Office, apan nasikop sa manhunt operation sa kapulisan sa Mabolo Police Station ubos sa pagdumala ni Police Major Eraño Regidor, ang mga suspek nga giilang si Ritchie Mabuti Rodriguez, ug Erwin Mabuti Rodriguez, residente sa Sitio N.G.A, Barangay Lahug, dakbayan sa Sugbo.
Ang biktima nihangyo sa kapulisan nga dili nganlan, apan niingon nga nawala ang iyang P200,000 nga balor nga bag nga adunay sulod nga mga mahalong butang samtang ang iyang sakyanan giparking sa Governor Cuenco Avenue sa Barangay Kasambagan.
Matud sa biktima nga ang iyahang bag adunay sulod nga keyboard, tablet, gold necklace nga adunay cross diamond pendant, usa ka bracelet ug singsing, cash, ug usa ka gold ring nga gibana-banang naa sa di mo minos sa P900,000.
Sa kasamtangan ang mga suspek natanggung na karun sa Mabolo Police Station ug nag-atubang ug kasong ‘theft’.
