CEBU CITY-Gisuta karon sa mga otoridad ang motibo ug ang pagkatao sa mga suspek nga mipusil patay sa usa ka high value target ug Filipino-Chinese National sa Barangay Poblacion, lungsod sa Cordova, probinsya sa Cebu.
Giila ang biktima nga si Gary Ong Go, 57 anyos, usa ka negosyante ug temporaryo nga namuyo sa naasoy nga lugar.
Matud ni Police Senior Inspector Janus Gi-angan, ang hepe sa Cordova PS nga pasakay na unta sa iyang sakyanan ang biktima sa dihang kalit nga miabot ang van ug kalit nga namusil sa biktima sa makadaghan nga higayon.
Nakaangkon og daghang igo sa bala ang biktima nga maoy hinungdan sa iyang hinanaling kamatayan.
Nasayran nga una nga naaresto sa usa ka drug operation sa Quezon City ang naasoy nga Filipino-Chinese niadtong Hunyo 2015 human makuhaan og 45 kilos nga iligal na drogas.
Gikompirmar usab sa hepe nga nalaki ang pangalan ni Go sa drug-watchlist.
Kanhi manager sa usa ka dakong kompanya si Go ug karon kontractor sa Fabcon nga gitukod sa Mactan Newtown.
Samtang, nagkanayon si Eva Borromeo, ang inahan sa live-in partner ni Go, nga katapusan na unya nga hearing ni Go karong uwana kalabot sa gi-atubang niini nga kasong may kalambigitan sa iligal na drogas sa Quezon City.
