Negrense naa sa normal nga sitwasyon taliwala sa kahadlok gumikan sa kamatayon ni Gov. Roel Degamo-AFP

CENTRAL VISAYAS-Gipahibalo ni Major Senon Pancito, ang tigpamaba sa Special Joint Force sa Negros Oriental, nga ang mga Negrense, naa sa normal nga sitwasyon taliwala sa kahadlok sa katawhan gumikan sa kamatayon ni Gov. Roel Degamo.

Dugang pa niini, nga kaya gihapon buhaton sa katawhan sa naasoyng Lugar kung unsa ang ilahang mga naandan nga buhaton sa wala pa ang dugoon nga pagpatay kang Gov. Roel Degamo ug sa laing walo pa.

Apan, dili gihapon mawala ang kahadlok sa katawhan, gumikan kay naa sa ilahang mga huna-huna nga kung ang Gobernador kaya nga patyon, unsa nalang kaha ang mga yanong katawhan.

Nanghinaot kini nga kini na ang kataposang kapintasan sa Negros Oriental, gumikan kay mao kini ang gusto sa katawhan.