Magpatuman na og lagda batok sa glanders disease ang kagamhanang lalawigan sa Negros Oriental sa islang rehiyon sa Negros.
Kini human sa sugyot ni Negros Oriental 2nd District Board Member Woodrow Maquiling Sr. sa usa ka whole-of-government response sa maong hulga sa maong sakit nga unang natala sa islang lalawigan sa Siquijor.
Gani ang Department of Health – Negros Island Region (DOH-NIR) kay mipasalig sa publiko nga ang mituman nga sakit kay usa ka rare case disease kay pwedeng mapugngan, saktong madumala, ug matambalan.
Sa pamahayag ni DOH-NIR Regional Director Dr. Razel Nikka Hao nga matod pa sa pagkakaron ang mga animal blood sample test results gikan sa Siquijor kay nagpadayon sa pag-validate sa mga posibleng kaso sa glanders disease.
Dugang ni Hao nga base sa ilang initial incidental findings sa ilang lugar kay aduna nay sespetsadong kaso ug mga pasyente gikan sa Siquijot nga gi-admit sa dakbayan sa Dumaguete sa Negros Oriental.
Ang DOH-NIR kay nagpahigayon na og mga town hall meetings uban ang mga barangay health workers (BHW), sanitary engineers, ug ubang health offices sa Siquijor ug Negros Oriental aron sa paghatag og pahibalo sa maong sakit.
Sa pikas bahin, ang Bureau of Animal Industry (BAI) kay mikuha na og blood sample sa maong mga kahayupan sa Siquijor og gipadala kini sa Research Institute for Tropical Medicine (RITM) sa Manila para sa laboratory examination aron masuta ang pag-test sa maong makalilisang nga sakit.
Ang glanders disease kay usa ka zoonotice-type disease nga hilabihang dali makatakod nga maka-apekto sa mga kahayupan lakip na ang mga kabayo, donkey, kabaw ug uban pa nga maka-transmit ngadto sa tawo ug posibleng makamatay kung dili mahatagan og hinadaling atensyon-medikal.
Pahimangno sa mga awtoridad sa publiko nga likayan ang direktang kontak sa mga masakitong kahayupan, pagkaligo sa mga katubigan ng adunay presensya sa kahayupan, pagkonsumo sa karne o gatas nga gikan sa masakitong kahayupan ug mag-praktis sa proper hand hygiene.
