Nepal-rapper Balendra Shah, pormal nga nanumpa isip bag-ong Prime Minister

Pormal na nga nanumpa isip bag-ong prime minister sa Nepal ang rapper nga nahimong politiko nga si Balendra Shah.

Kini human siya midaog sa unang eleksyon sukad sa mga protesta sa miaging tuig.

Ang 35 anyos nga lalaki nakahimo og talagsaong lakang sa politika sa Nepal.

Pipila sa mga pagbag-o nga iyang gisaad naglakip sa pagtapos sa kagubot, korapsyon, nepotismo ug pagmando sa mga elite.

Sa wala pa siya manumpa, nagpagawas siya og kanta bahin sa kaugmaon sa Nepal.

Si Shah nagsilbi nga mayor sa Kathmandu sulod sa tulo ka tuig sa wala pa siya gikuha sa Rastriya Swatantra Party (RSP).