Dili na motuo si Israeli Prime Minister Benjamin Netanyahu sa pamahayag sa Hamas nga andam silang motubag sa kasabutan sa pagtapos sa gubat.
Matud ni Netanyahu nga dili na bag-o sa iyang pagdungog ang pahayag sa Hamas ug gani nagtinguha lang usab kini nga patuyokon ang ilang mga ulo.
Gibarugan ni Netanyahu ang iyang mga kondisyon sama sa pagpagawas sa 48 ka mga piniriso, ug 20 niini ang buhi pa.
Lakip usab sa mga kondisyon ang pagdis-arma sa Hamas ingon man ang demilitarisasyon sa Gaza.
Mahinungdanon usab nga ang Israel adunay kontrol sa seguridad ug alternative civilian administration nga kinahanglan nga maporma.
Samtang ang kondisyon sa Hamas mao nga bugti sa mga piniriso nga ilang gihuptan, ang pagbuhi sa mga Palestinian nga napriso sa Israel, ang pag-atras sa mga sundalong Israeli gikan sa Gaza, ang pag-abli sa mga pagtabok sa utlanan ug ang reorganisasyon sa Gaza.
