CEBU CITY-Nagtigom ang mga nag-unang mga lider sa science, technology, ug innovation, alang sa Science Policy Forum on Republic Act No. 12009, o ang New Government Procurement Act (NGPA) sa usa sa mga hotel nga nahiutang sa dakbayan sa Sugbo.
Gipasiugdahan sa National Academy of Science and Technology, Philippines (NAST PHL) uban sa suporta gikan sa DOST-PCAARRD, sa pakigtambayayong sa DOST Region VII ug sa University of the Philippines Procurement Office, ang kalihokan nga nagtumong sa pag-apil sa mga importanteng stakeholders sa paghulma sa mga polisiya sa pagpalit nga makaapekto sa mga kalihokan sa siyentipikanhon ug teknolohiya (STAs).
Ang forum nagpakita sa kinatibuk-ang overview nga gipresentar ni Ms. Maria Lora T. Alvarez-Hortillas gikan sa Government Procurement Policy Board, gisundan sa mga insight gikan sa NEDA, Cebu Technological University, ug mga eksperto sa industriya.
Matud ni Atty. Flor Rissa L. Ofilada sa UP Procurement Office nga mahinungdanon ang naasoy nga balaod diin makapadali kini sa paglusot sa mga proyekto kabahin sa research ug experiment nga gimugna s mga Filipinong Scientist aron sa pagsulbad sa mga nagkandaiyang problema sa nasud.
Gitataw ni Atty. Ofilada nga ang procurement kay maoy unang linya sa depensa batok sa korapsyon.
Pinaagi niini og inubanan sa panaghiusa sa mga ahensya sa Science, Technology and Innovation (STI) ug sa mga research development mas mapalambo pa unta ang nasud nga pilipinas kung adunay saktong equipment og mga kagamitan.
Subay niini, gilauman sa up research and development nga mahuman na ug mogawas na ang mga guidelines kabahin sa NGPA sa dili pa ang Pebrero 26, 2025. | Bombo Rocky Lavarez
